Savan' Ter'usha letra

Ох, шачомадо, Савань Терюша да вейкине,
Ой, касомадо Савань Терюша да ськамондо.

Ох, коть вейкине, да Савань Терюша, да удалась,
Вай, коть ськамондо, Савань Терюша, да пек паро.

Ох, кода ульнесь Савань Терюша да вейкине,
Вай, кода ульнесь Савань Терюша да а покшке,

Тетянстэнь- тятяй- Савань Терюша да мерекшнэсь,
Аванстэнь- авай- Саван Терюша да мерекшнэсь,

Ох, кода сакшнось Савань Терюша да ломаньшка,
Вай, кода сакшнось Савань Терюша да аляшка,

Паронь-берянень Савань Терюша содышка,
Мазынь-амазынь Саван Терюша да содышка .

Кадызе тетяй Савань Терюша да валондо,
Кадызе авай Савань Терюша да мерьмандо.

Ох, сюдокшнызе Савань Терюшань тетязо,
Да, вай, проклянизе Савань Терюшань авазо.

Ох, а куломга Савань Терюшань- ёмамга,
Да, вай, ниле иеть Савань Терюшань резэмга,

Ох, ниле иеть Савань Терюша резэмга,
Да, вай, сисем годнэть Савань Терюша пужомга.

Кулома яки Савань Терюшань мельгандо,
Да ёмамо яки Савань Терюшань мельгандо.

Ох, сисем иеть Савань Терюша резэкшнэсь,
Да , вай, сисем годнэть Савань Терюша пужокшнось.

Ох, кевкстекшнызе Савань Терюша тетянзо,
Да, вай, кевкстекшнызе Савань Терюша аванзо:
Кулат, а кулат тон, дирень тетяй, монь кисэ?
Ёмат а ёмат тон, шкинень авай, монь кисэ?

Вай, эзь кортакшно Савань Терюшань тетязо,
Да, вай, эзь кортакшно Савань Терюшань сон мартонзо.

Ох, эзь отвеча Савань Терюшань авазо,
Да, вай, эзь отвеча Савань Терюшань сон карчонзо.

Oyme - Letras

• Kudan'kon' Kijaksova
• Pandoze
• Savan' Ter'usha